Мындай чаралар Евробиримдиктин бейшембидеги саммитинде кабыл алынды. Анда авиакомпаниялар ортосунда жүргүнчүлөр боюнча маалымат алмашуу, чек арадагы көзөмөлдү күчөтүү сыяктуу чаралар бар. Европа лидерлери кабыл алган документте “бардык жарандар өз ишеними жана көз карашына карабастан коопсуз шартта жашоого укуктуу” деп жазылган.
Евробиримдиктин терроризмге каршы чараларды күчөтүүсүнө өткөн айдагы Франциядагы чабуул себеп болду. Анда сатиралык “Шарли Эбдо” журналына жана жөөттөрдүн дүкөнүнө кол салуудан 17 адам каза тапкан.
