Тышкы иштер министрлиги Facebook социалдык тармагынын негиздөөчүсү Марк Цукербергди чакырат. Бул тууралуу мекеменин жетекчилиги Цукербергди чакыруу демилгесин көтөргөн интернет колдонуучу Кайрат Адамалиевге жазган жооп катында айтылат.
“Цукербергдин келиши Кыргызстандагы туризмди өнүктүрүүгө жана эл аралык имиджинин көтөрүлүшүнө салым кошот” деп жазылат катта.
Бирок Facebook негиздөөчүсүнө качан чакыруу жөнөтүлөрү жана ал кайсыл мезгилде келери тууралуу азырынча маалым эмес.
31 жаштагы Марк Цукерберг дүйнөдөгү эң белгилүү жана бай кишилердин катарын толуктайт. (SE)
