2014-жылы Мамлекеттик экологиялык жана техникалык инспекциясы "Чайна Петроль «Жунда»" ЖЧКда текшерүү жүргүзүп, 124 пункт боюнча бузууларды каттап, жазма эскертүү берген. "Жунда" 100гө жакын пункт боюнча бузууларды оңдогон.
Бузуулардын негизгилери абага бөлүнүп чыккан газдарга жана иштетилген суунун сыртка чыгышына байланыштуу.
Марттын ортосуна чейин "Жунда" абага бөлүнгөн газды соруп алчу жабдууну сатып алууну пландап жатат. Бул тууралуу "Азаттыкка" Мамлекеттик экологиялык жана техникалык инспекциянын директорунун орун басары Расул Артыкбаев билдирди. (ZMa/MTo)
