Линктер

ЧУКУЛ КАБАР!
17-Октябрь, 2021 жекшемби, Бишкек убактысы 09:33

Депутат Токтогул Туманов 7-каналды сотко берди


Токтогул Туманов

Жогорку Кеңештин КСДП фракциясынын депутаты Токтогул Туманов “аброюма шек келтирди” деген кине менен баш кеңсеси Жалал-Абад шаарында жайгашкан 7-каналды сотко берди. Бул тууралуу “Азаттыкка” депутат өзү билдирди.

- Телеканал Ош жана Жалал-Абад шаарындагы айрым жер тилкелери менин кийлигишүүм менен кээ бир жарандарга менчиктештирилгени жөнүндө маалымат таратты. Мен муну атайын буюртма деп эсептейм. Беделиме шек келтиргени үчүн Жалал-Абад шаардык сотуна кайрылып, телеканалдан моралдык чыгым катары 30 миллион сом өндүрүп берүүнү өтүндүм, - дейт Туманов.

Ал эми 7-каналдын жетекчилиги сюжет телеканалга келип түшкөн арыздардын негизинде факт менен даярдалганын, журналистиканын стандарттары сакталганын айтууда.

Камчыбек Ташиевге таандык экени айтылган 7-канал ТРКсы 2010-жылы ачылган. Учурда Ош, Баткен жана Жалал-Абад облустарына көрсөтөт. (RsK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG