Ош шаарындагы Султан Ибраимов атындагы драма театрынын жанында “Агроэкспо: Жибек жолу 2015” эл аралык көргөзмө-жармаңкеси өтүп жатат. Ага Кыргызстан, Орусия, Голландия, Түркия, Италия, Франция, Түштүк Корея, Иран жана башка өлкөлөрдөн 30дан ашык ишкер катышууда. 26-февралда башталган иш-чара 28-февралга чейин уланат.
Жармаңкеге эгиндин түшүмдүүлүгүн арттыруучу, зыянкечтерден коргоочу дарылар, жер семирткичтер, сапаттуу үрөн жана айыл чарба техникасы коюлган.
“Агроэкспо: Жибек жолу 2015” жармаңкеси быйыл 11-жолу өткөрүлүп жатат. Ал бир катар эл аралык жана жергиликтүү уюмдардын көмөгү менен уюштурулган. (YI)
