Пабло Пикассонун АКШда табылган миллиондогон долларлык "Чач тарач" сүрөтү Франциядан уурдалган. Бул тууралуу АКШ прокуратурасы билдирди. Сүрөт экспресс-почта аркылуу жөнөтүү аракети болгон учурда табылган.
Нью-Йорктун чыгыш округу боюнча юстиция министри Лоретта Линч аны тез арада конфискациялоону талап кылды.
Сүрөт 1911-жылы кубизм стилинде тартылган. Associated Press агенттигинин маалыматына караганда, ал Парижде 2001-жылдын ноябрь айында жоголгон. Аны АКШга жөнөтүүгө кимдин тиешеси бар экени азырынча айтыла элек.
