Текебаев: Эркектер мамкызматтарда 70 пайыздан ашпаш керек

“Ата Мекен” фракциясынын лидери Өмүрбек Текебаев аялдарга арналган улуттук форумда сүйлөп жатып, мамлекеттик кызматтарда эркектерди 70 пайыздан ашырбай чектөө керектигин айтты. Анын айтымында, бийликте аял-эркектин ордун тең салмактаган жаңы система керек.

- Бизде аял-эркектин тең укуктуулугу Европадагыдай болбошу мүмкүн. Бирок аялдардын бийликке келишине шарт түзүшүбүз керек. Кудай буюрса бул күндөр да алыс эмес, - деди Текебаев.

Кечээ башталган аялдардын улуттук форуму бүгүн жыйынтыкталып жатат. Форумга коомдогу көрүнүктүү айымдар, ошондой эле жети облустан келген миңден ашык аял катышып жатат. Иш-чараны “Отунбаеванын демилгелери” эл аралык фонду уюштуруп жатат. (KE/UEz)