Ак калпак күнүнө карата Ошто 500 чамалуу жигит Ак-Буура дарыясынын жээгин тазалашты. Бул тууралуу акциянын уюштуруучусу, Ак калпак күнүнүн демилгечиси, кинорежиссер Рысбек Жабиров билдирди.
Акцияга чыккандар “Жигиттер, биз калпак менен сулуубуз! Жигиттер, биз калпак менен улуубуз!” деген ураан менен көчөдө жүрүш да жасашты жана “Кара жорго” бийин бийлешти. Жүрүш учурунда алар 300 даана калпакты жарандарга таратып беришти.
Ак калпак күнү Кыргызстанда 2011-жылдан бери белгиленип келет.(YI)
