Жалпыга маалымдоо каражаттары менен кызматташтыкты жандантуу максатында бүгүн өкмөт үйүндө журналисттер менен жолугушуу болот. Бул тууралуу “Азаттыкка” вице-премьер-министр Дамира Ниязалиева билдирди:
- Коомдук пикирди жаратууда журналисттер чоң роль ойнойт. Бирок жалаң гана терс кабарларды эмес, аткарылып жаткан жакшы иштер тууралуу да көбүрөөк чагылдырылышын каалайт элек. Бүгүнкү күндө өкмөт жасаган алгылыктуу иштер көп, бирок ошону журналисттерге жеткирүүдө кемчиликтер бар.
Ниязалиева өкмөт структураларынын басма сөз кызматтарынын ишинде кемчиликтер бар экенин айтып, журналисттер менен кызматташтыкты жаңы тепкичке көтөрүү учур талабы болуп турганын белгиледи. (SE)
