Бүгүн, 31-мартта Ош шаарында Кыргызстан менен Ооганстандын футбол боюнча улуттук курама командаларынын жолдоштук беттеши болот.
Кыргызстан Футбол федерациясынан билдиришкендей оюн саат 16:00дө Акматбек Сүйүнбаев атындагы стадиондо башталат. Беттешке казакстандык судья Денис Измайлов жана жардамчылары Александр Павлов менен Самат Тергеусизовдор калыстык кылат.
Оюнга даярдык көрүү үчүн кыргыз футболчулары 30-март күнү эртең менен Ошко келген. Кыргызстандын Футбол федерациясынын маалымат катчысы Теңгелбес Мусаевдин айтымында ооган оюнчулары Ошко бүгүн барат. (ECh)
