Жогорку Соттун 1-апрелде маалымдашынча, Согди облусунун Спитамен кыштагынын жети тургуну "Өзбекстан ислам кыймылынын мүчөсү" деп айыпталып, 9 жылдан 17 жылга чейин эркинен ажыратылды.
Алардын мыйзамсыз уюмдун мүчөсү экенин билип, бирок аны бийликтен жашырганы үчүн үч жаран бир жылга соттолду. Береги уюмга мүчө Исфара районунун тургуну 9 жыл абакка кесилди.
Өзбекстан ислам кыймылы Ооганстан жана Пакистанда өтө активдүү. Ага Борбор Азия өлкөлөрүндө жана Орусияда тыюу салынган, АКШ дагы аны террорчу уюм деп тааныган.