Кыргызстандын мурдагы муфтийи, салыктан качкан деп айыпталган Рахматулла ажы Эгембердиев 29-мартта кармалганын Казакстандын түштүгүндөгү Сарыагаш районунун соту Берик Каипов бүгүн билдирди.
Каипов экс-муфтийдин Казакстандан саясий баш калка сураганы жатканын бышыктады. Кыргызстандын Улуттук коопсуздук кызматынан “Азаттыкка” кабарлашкандай, Эгембердиев сотко келбегендиктен, ага эл аралык издөө жарыяланган.
Эгембердиев өткөн жылдын башында интернетте чуулуу секс-видеотасма тарагандан кийин өз арызы менен кызматтан кеткен болчу. Ага чейинки муфтий да салык төлөбөгөндүгү үчүн айыпталган эле. (jch/azk)
