Жалал-Абад шаарындагы Токтосун Тыныбеков атындагы филармонияда 3-апрелде облустагы аялдардын форуму болот. Ага экс-президент Роза Отунбаева катышат. Облустук администрациядан маалымдашкандай, “Аялдардын коомдогу орду” деген аталыштагы форумга облустун район-шаарларынан алдыңкы 400гө чукул аял келет. Ошондой эле Ош, Баткен, Ысык-Көл облусунан өкүлдөр чакырылган.
Облустук бийлик уюштуруп жаткан иш-чара быйыл мартта Бишкекте өткөн аялдардын биринчи улуттук форумунун уландысы. (SE)
