Өкмөттүн Талас облусундагы ыйгарым укуктуу өкүлү Койсун Курманалиева өз каалоосу менен кызматтан кетти. Бул тууралуу ал бүгүн Апрель окуясынын беш жылдыгын белгилөө учурунда, “Манас ордо” улуттук комплексине топтолгон элдин алдында сүйлөп жатып билдирди. Курманалиеванын кызматтан кетишинде эч кандай саясий себеп жок экендигин анын жардамчысы “Азаттыкка” айтты.
Койсун Курманалиева 2010-жылдагы бийлик алмашуудан соң Талас облусуна жетекчи болуп дайындалган. (SE)
