Каракол шарында бүгүн Ысык-Көл облусунун IV спартакиадасы расмий ачылды. Мелдештер 11-апрелге чейин уланып, ага облус боюнча 1600гө жакын спортчу катышат. Алар спорттун 14 түрү боюнча күч сынашып, мыктылары майдын аягында Жалал-Абадда өтчү республикалык спартакиадага жолдомо алат.
Мындан сырткары, бүгүн калаада облустук Манасиада старт алып, анда дубандын бардык аймактарынан келген окуучулар Манас айтуу, Манас таануу сабактары боюнча сынактарга катышышат. Облустук администрациядан кабарлашкандай, спартакиада жана Манасиада жыл сайын өткөрүлөт. (AsA)
