Кыргызстанда аскерге чакыруунун жазгы өнөктүгү жүрүп жатат. Быйыл 1-апрелден 25-майга чейин өлкө аймагынан 18 жаштан өткөн 3000 жаран кызматка чакырылат. Бул тууралуу Коргоо министрлигинен “Азаттыкка” кабарлашты.
Жоокерлер Башкы штабдын, Коргоо министрлигинин, Чек ара кызматынын, Улуттук гвардиянын аскер бөлүктөрүндө, УКМКнын жана Жаза аткаруу кызматынын тийиштүү мекемелеринде кызмат өтөшөт. (SE)
