КТРКнын мурдагы башкы директору Кубат Оторбаев Нарындагы “Шанхай” телеканалын жетектей баштады. Бул тууралуу өкмөткө караштуу Байланыш агенттигинен “Азаттыкка” билдиришти. Муну Оторбаев өзү да тастыктап, азыр баштапкы жумуштар жүрүп жатканын айтты.
Байланыш агенттигинин маалыматында “Шанхай” каналы “Кол кабыш” аттуу коомдук уюмга таандык экени белгиленген. Телекомпания мурда эле ачылган, бирок анын форматы эми иштелип чыгууда.
Кубат Оторбаев Коомдук телерадиокорпорацияны 2010-жылдын апрелинен 2014-жылдын августуна чейин жетектеген. (SE)
