Орусия рублинин сомго карата наркы көтөрүлө баштады. Улуттук банктын расмий маалыматы боюнча бүгүн 1 рубль 1 сом 15 тыйынга барабар болууда. Ал эми валюта базарында 1 сом 20 тыйынга чейин көтөрүлдү.
Европанын Орусияга киргизген санкцияларынан улам өткөн жылдын аягында рублдин куну кескин төмөндөп, 1 АКШ долларынын баасы 80 рублге чейин чыккан. Учурда 1 доллар 53-54 рублдин тегерегинде болууда. (SE)
