Жогорку Кеңештин вице-спикери Төрөбай Зулпукаров аны кыз зордуктаган деп айыптап гезитке жазып чыккандарды сотко берет. Бул тууралуу ал бүгүн парламенттин жыйынында айтты.
- Макала тергөөнүн материалдарына таянып гана жазылган. Бул жалган маалымат. Ал макаланы башка гезиттерге да сунушташкан, бирок алар жалган экенин көрүп албай коюшкан. Соттон бул маселе сөзсүз ачыкка чыгат, - деди Зулпукаров.
"Искра" гезитинин акыркы санына Зулпукаров 1997-жылы кыз зордуктаганы жөнүндө макала жарыялаган. Гезиттин редактору Адилет Айтикеев бул үчүн күч органдарынан тийиштүү документтер алынганын билдирген. (RK)
