Парламент бүгүнкү отурумунда Кумтөр алтын кенин иштетүү боюнча өкмөттүн Канаданын "Центерра" компаниясы менен сүйлөшүп, бир чечимге келе албаганы үчүн Жоомарт Оторбаевдин өкмөтүн сынга алып, аягында ишине “канааттандырарлык эмес” деген баа берди. Буга отурумга катышып жаткан 64 депутаттын ичинен 58 депутат макулдугун берди.
Жогорку Кеңеш Кумтөр алтын кенин иштетүү боюнча канадалык ишкана менен бир чечимге келүүнү тапшырып, өкмөткө февралда бир айлык мөөнөт берген болчу. Жогорку Кеңештин төрагасы Асылбек Жээнбековдун айтымында, азырынча Кумтөр маселеси ачык бойдон калды. (ZKo)
