Президент Алмазбек Атамбаев букмекердик кеңселердин жана тотализатор бюролорунун ишине тыюу салган мыйзамга кол койду. Мыйзам 15 күндөн кийин күчүнө кирет.
Аталган мыйзам долбоорун Жогорку Кеңеш 25-февралда кабыл алган. Демилгечилер аталган мекемелер казино сыяктуу эле кумар оюндарына кирерин, андан көптөгөн адамдар жабыркап жатканын жүйө келтиришкен.
Кыргызстанда казинолордун ишмердүүлүгүнө 2012-жылдын 1-январынан тарта мыйзам аркылуу тыюу салынган. Ушу тапта өлкөдө 500 чамалуу букмекердик кеңсе бар экени белгилүү. (UEz)