Иран тышкы иштер министри Мухаммед Жавад Зариф Астанага расмий сапар менен келген учурда казак бийлигин терроризм менен чогуу күрөшүүгө чакырып, өзүн “Ислам мамлекети” деп атап алган экстремисттик топко каршы кызматташтыкты күчөтүү зарылдыгын белгиледи.
Зариф 13-апрель күнү Казакстандын тышкы иштер министри Eрлан Идрисов менен ушул маселени талкуулады. Ал Ирак жана Сириянын көп бөлүгүн ээлеп алган “Ислам мамлекети” тобунун согушкерлери Борбор Азия менен чектеш Ооганстанда да күчөп баратканын эскертти. (SE)
