Youth of Osh уюму Тынчтык корпусунун Кыргызстандагы өкүлчүлүгүнүн каржылоосу менен ишке ашырып жаткан долбоор өспүрүмдөрдү саламаттыкты сактоого көңүл бурдурууга багытталган. Анын координатору Эмил Сагынбаев “Азаттыкка” билдиргендей, учурда Ош шаарындагы үч мектепте психолог, нарколог жана акушер-гинеколог окуучуларга тренинг өткөрө баштады. Тренерлердин баары жергиликтүү мекеме-уюмдардан тандалган.
Долбоор азыр пилоттук негизде иштеп жатат. Кийинчерээк кеңейтилиши күтүлүүдө. (SE)
