Караколдо кечээ түнү башталган кардын калыңдыгы 5 сантиметрге жетти. Кечээги катуу жааган жаан карга айланып, азыр да жаап жатат. Кыргызгидрометтин маалыматына ылайык, катуу жааган кардын кесепетинен аймакта үшүк жүрүшү күтүлөт. Аба ырайы алдыдагы эки-үч күн бою ушул абалда сакталып, коомуналдык кызматтардын да ишин кыйындатышы мүмкүн экенин аталган мекеме эскертет.
