Бишкектин чекесиндеги “Эне-Сай” конушунда изделип жаткан үч жашар баланын сөөгү үйүнүн жанындагы кудуктан табылды. Бул тууралуу Чүй облустук милициясынан кабарлашты. Маалыматка ылайык, үч жашар Дияр Байдусеновду ата-энеси кечээ түштөн кийин таппай калышкан. Мындан соң милицияга арыз жазып, бөбөк социалдык тармактар аркылуу изделип жаткан. Бүгүн баланын сөөгү үйүнүн жанындагы кудуктан табылды. Учурда окуянын чоо-жайы аныкталууда.
Бул кырсыкка байланыштуу милиция ата-энелерди балдарын кароосуз калтырбоого чакырууда. (BkA)
