"Украина атамандары" командасынын мүчөсү, кыргызстандык боксчу Азат Үсөналиев Бүткүл дүйнөлүк бокс сериясынын (WSB) 5-сезонунун тайпалык раундунун акыркы беттешинде кубалык мушкер Йосбани Веитиа Сотого утулуп калды. Таймаш 26-апрелде Кубада болгон.
Мелдештин расмий сайтындагы маалыматка таянсак, Үсөналиевдин атаандашы 3:0 эсебинде жеңишке жетти.
Тайпалык раундда "Украина атамандарынын" башка мушкерлери да ийгиликке жете алган жок. (ECh)