Парламент депутаты Турсунбай Бакир уулу Палестинаны көз карандысыз мамлекет катары таануу тууралуу токтомдун долбоорун спикерге жөнөттү. Документ тийиштүү комитеттерде каралгандан кийин жалпы жыйында талкууланарын “Азаттыкка” Бакир уулу билдирди.
Өткөн жылы Израил менен Палестинадагы ХАМАС тобунун ортосундагы ири салгылашуудан кийин Франция, Британия, Швеция жана Испания парламенттери Палестинаны мамлекет катары тааныган.
Тарыхый булактарда Палестина Израилдин оккупацияланган аймагы катары айтылып келет. (SE)
