Бишкек - Ош жолундагы Чычкан дарыясына түшүп кеткен “Хонда-Фит” үлгүсүндөгү унаанын жүргүнчүсүнүн сөөгү табылды. Бул тууралуу Өзгөчө кырдаалдар министрлигинен кабарлашты. Маалыматка ылайык, аталган унаа 26-апрелде дарыяга түшүп кеткен. Куткаруучулар кечээ унаадагы жүргүнчү, 37 жаштагы Махабат Эркееванын сөөгүн суудан алып чыгышты. Ал эми унаа айдоочусунун сөөгүн издөө иштери уланып жатат.(BkA)
