Жапониянын өкмөт башчысы Шинзо Абе Экинчи дүйнөлүк согушта нацисттик Германиянын үстүнөн жеңиштин 70 жылдыгына арналган расмий салтанатка келбейт. Өкмөттүн маалымат кызматы мындай чечимди премьердин бул күнү башка иштер менен колу бошобой тургандыгыи менен түшүндүрдү. Парадга анын ордуна Жапониянын Орусиядагы элчиси барат.
Жапония Орусиянын президенти Владимир Путинди расмий чакырган, бирок Украинанын чыгышындагы жаңжалга байланыштуу, ал визит былтыр кийинге калтырылган. Жапон өкмөтүнүн маалымат катчысы Йоши Хиде Суга Путиндин качан келээри боюнча азырынча маалымат жок деди.
