Коргоо министрлиги Кара-Суунун Кызыл-Байрак жана Керме-Тоо айылдарына жакын жердеги аскердик машыгуу учурунда турак үйгө түшкөн снаряд боюнча түшүндүрмө берди. Министрликтин маалымат катчысы Азамат Дүйшөнбековдун айтымында, 27-апрелде машыгуу учурунда кокустан снаряддын калдыгы турак үйлөрдүн бирине түшкөн. Бул боюнча териштирүү жүрүп, аталган үйгө келтирилген зыянды министрлик төлөп бермей болду.
Буга чейин Оштун Кара-Суу районунун Кызыл-Байрак жана Керме-Тоо айылдарындагы эки турак-үйгө аскердик машыгуу учурунда атылган снаряд түшкөнү белгилүү болгон. Андан үйлөрдүн чатыры талкаланган. Адам өмүрүнө зыян келген эмес. (BkA)