Бишкектин «Азия MIX» командасы КВН жогорку лигасынын жарым финалына жолдомо алды. Эл аралык КВН бирлигинин расмий сайтындагы маалыматка таянсак, 30-апрелде үчүнчү чейрек финалда «Плохая компания» (Красноярск крайы), Мурманск шаарынын курамасы, «Азия MIX» (Бишкек), Грузия курамасы (Тбилиси) «Горизонт» (МосАП, Москва) жана «Приоритет ДГТУ» (Ростов-на-Дону) командалары ойношкон. Оюн жыйынтыгында бишкектик “квнчилер” эң көп упай топтоп, кийинки айлампага жолдомо алды. Калыстардын басымдуу бөлүгү оюнда «Азия MIX» командасынын музыкалык сынактагы тамашалары өзгөчө жаккандыгын белгилешти.(ECh)
