Кыргызстанда алгачкы жолу университеттер аралык ыр сынагы өткөрүлөт. Ага 20 окуу жайдан бирден өкүл катышат. Бул тууралуу “Азаттыкка” уюштуруучулардын бири, кыргыз-түрк “Манас” университетинин студенттер кеңешинин мүчөсү Бектеналы Абдрахманов кабарлады.
Сынак бир турда өтүп, студенттер өздөрү каалаган ырларын аткарып беришет. Калыстар тобунун сынынан өткөндөргө баалуу белектер ыйгарылат. (КЕ)