Линктер

ЧУКУЛ КАБАР!
22-Октябрь, 2021 жума, Бишкек убактысы 12:38

АКШда Мухаммед пайгамбардын карикатурасы боюнча сынакта ок атылды


Окуя АКШнын Даллас шаарынын чет жакасында болду. Мухаммед пайгамбардын карикатуралары боюнча сынактын жыйынтыгына арналган көргөзмө өтүп жаткан сүрөт борборунда белгисиз адамдар ок ачып, полиция менен атышууда эки киши өлдү. Сакчылардын бири жаракат алды.

Сынакты “Эркиндикти коргоонун америкалык демилгеси" деген уюм өткөрүп, баш байгесине 10 миң доллар сайган.

Батышта Мухаммед пайгамбардын карикатураларынын тартылып, жарыяланышы буга дейре айрым мусулман өлкөлөрүндө нааразылыктарды, ал эми радикалдардын коркутууларын жараткан эле.

Быйыл январда Парижде “Шарли Эбдо” сатиралык журналынын редакциясына кол салынган. Анда он эки адамды мерт кылгандар муну журнал пайгамбардын карикатураларын жарыялаганы үчүн өч алуу катары сыпатташкан. (UE)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG