Жалал-Абад облустук бийлиги жаштар менен чогуу аймактагы коопсуздукту талкууламай болууда. 14-15-май күндөрү Ала-Бука районунда өтө турган жыйынга Өзбекстандын Наманган жана Тажикстандын Согди облусундагы жаштар коомдору да чакырылды. Аларга чакыруу Тышкы иштер министрлиги аркылуу жөнөтүлдү.
"Жаштар - туура кадам, таза максат үчүн" деген аталыштагы эл аралык форумдун максаты тууралуу "Азаттыкка" өкмөттүн облустагы өкүлүнүн аппаратынын бөлүм башчысы Гүлзат Аширова билдирди.
- Форумдун жүрүшүндө диний экстремизмди алдын алуу, этностор аралык мамилелерди чыңдоо жана чек ара көйгөйлөрүн чечүүдөгү жаштардын орду талкууланат, - дейт Аширова.
Иш-чарага республиканын бардык облустарынан 300дөн ашык адам катышат. (RsK)
