"Электр станциялары" ишканасы көмүр сатып алуу боюнча тендерлерди ачык өткөрүүдө. Бул тууралуу бүгүн аталган мекемеден билдиришти.
7-майда энергетика маселелери боюнча эксперт Расул Үмбөталиев Бишкек ТЭЦине 900 миң тонна көмүр тымызын сатылып алынып, тендер жашыруун өткөрүлүп жатканын "Азаттыкка" билдирген болчу.
"Электр станцияларынын" билдиришинче, тендер жашыруун өтүп жатат деген айыптоо негизсиз, себеби бул тууралуу маалымат мамлекеттик сатып алуулар боюнча сайтка коюлуп, гезиттерге жарыяланган. (RK)
