Өзбек өкмөтүнүн маалымдашынча, 2005-жылы 10-13-май күндөрү демонстрацияны басуу учурунда 187 адам курман болгон. Бирок көз карандысыз булактар калабада андан да көп адам өлгөн деп ырасташат. Демонстранттар камакка негизсиз отургузулду деп эсептешкен 23 ишкерди коё берүүнү талап кылышкан. 13-майда түштөн кийин шаарга киргизилген аскерлер куралсыз элге ок ачкан. Канды булоондон улам 14-майда 600дөн ашык өзбекстандык Кыргызстанга качып өтүп, кийин БУУнун жардамы менен үчүнчү өлкөлөргө жөнөтүлгөн.
