Кыргызстандын Казакстан менен бажы чек арасы күзгө чейин ачылышы күмөн болуп жатканын бүгүн парламенттеги "Ата-Мекен" фракциясынын жыйынында маалымат берип жатып экономика министри Олег Панкратов билдирди.
Анын айтымында, 8-майда Евразия экономикалык биримдигине кошулуу боюнча маанилүү документтерге кол коюлуп, чек араларды болушунча тез арада ачуу тууралуу сөз болгон, бирок бул үчүн ал чечим "уюмга мүчөлөрдүн бардыгынын парламенттеринде ратификация болушу зарыл".
Көптөгөн кыргызстандык соодагерлер Казакстанга товар ташып акча табат. Көбү май айында чек ара ачылат деген үмүт менен товар топтоп койгону айтылган. (RK)
