Бишкектеги “Берекет гранд” соода үйүнүн жер төлөсүнөн 1 миллион 700 миң сомдук зер буюмдарды уурдаган деген шек менен 28 жаштагы жаран кармалды. Ал Бишкек шаарынын тургуну экенин “Азаттыкка” шаардык ички иштер башкармалыгы кабарлады.
Маалыматка ылайык, 20-апрель күнү аталган соода үйүнүн жер төлөсүнө белгисиз кишилер кол салган. Күзөтчүнү сабап, 1 миллион 700 миң сомдук зер буюмдарды жана 48 миң сомду алып кетишкен. (SE)
