Линктер

ЧУКУЛ КАБАР!
22-Октябрь, 2021 жума, Бишкек убактысы 01:59

Сузактагы жер көчкүдө жоголгон 4 кишинин сөөгү табылды


Бул туурасында “Азаттыкка” Сузак районунун акими Нурболот Мирзахмедов билдирди. Алдын ала маалыматтарга караганда, жер көчкү Сузактын Кырк-Жол айылында 23-майдан 24-майга караган түнү саат бирлерде болгон. Көчкү 22 киши жашаган беш үйдү басып калган.

Бүгүн топурак алдында калган алты кишинин төртөөсүнүн сөөгү табылып, калган эки киши изделүүдө. Ушул тапта жабыркаган дагы 5 киши ооруканага жеткирилди. Калган жашоочулар үйлөрдөн качып чыгууга үлгүрүшкөн.

Каза тапкандардын арасында 5-6 жаштагы балдар да бар.

Окуя болгон жерде өзгөчө кырдаалдар министри Кубатбек Боронов баштаган куткаруучулар тобу иштеп жатышат. (AzK)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG