Иран-АКШ жараны Жейсон Резаян тыңчылык кылган деп күнөөлөнүүдө. Анын бир тууганы Али Резаян Рейтер агенттигине айтышынча, сот жабык болот деп 25-майда эскертилген: "Биз бир нече саат мурда сот жабык өтөрүн, ага эч ким киргизилбесин билдик. Келинибиз жана апам болуп, Тегерандагы сотко катышабыз деп жатканбыз”, - деди ал.
“Вашингтон Постун” Тегерандагы бюросунун башчысы Жейсон Резаян былтыр июлда камакка алынгандан бери 18 килограммга арыктаган. Аны менен кошо аялы Салехи да камакка алынып, бирок күрөөгө бошотулган. Салехи да “Иранга кас өлкөнүн пайдасына” тыңчылык кылган деп айыпталууда.
