Линктер

шейшемби, 19-сентябрь, 2017 Бишкек убактысы 23:25

Сариев: “Кыргызалтындын” финансылык абалы абдан начар


Макмал алтын кенинин жумушчулары

Мамлекетке караштуу “Кыргызалтын” компаниясынын финансылык абалы абдан начар. Бул тууралуу премьер-министр Темир Сариев Казакстанда журналисттердин суроосуна жооп берип жатып билдирди. Анын айтымында, компанияга караштуу Макмал кениндеги негизги карьерде алтын запасы түгөндү. Буга кошумча, компаниянын технологиясы эскирди. Ошондуктан, өкмөт башчы компания жаңыча иштеп, ишин оптималдаштыруу зарылдыгын белгиледи.

Жума күнү “Кыргызалтындын” башчылыгына бекитилген Алмазбек Алимбековго бул багытта иш алпаруу тапшырмасы берилгенин Сариев кошумчалады.

Буга чейин “Кыргызалтын” Макмал алтын кениндеги оор абалдан улам жумушчуларды төрт сааттык режимге өткөргөнүн кабарлаган.(BkA/KE)

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG