Линктер

ЧУКУЛ КАБАР!
9-Декабрь, 2021 бейшемби, Бишкек убактысы 10:13

Эшек сойгондорду жазалоочу мыйзам долбоор коомдук талкууга коюлду


Мындай өзгөртүүлөрдү камтыган Кылмыш-жаза кодексине толуктоо киргизүү жөнүндө мыйзам долбоор 26-майда коомдук талкууга чыгарылды. Бул тууралуу Жогорку Кеңештин расмий сайтында кабарланды. Маалыматка ылайык, мыйзам долбоорду “Ар-намыс” фракциясынан депутаттар Турсунбай Бакир уулу жана Нуркамил Мадалиев иштеп чыккан.

- Эшекти союуга мыйзамда тыюу салынган эмес, бирок байыртан эле этикалык көз караштардан улам Кыргызстанда эшектин эти тамакка колдонулган эмес. Материалдык пайда алууга умтулуу элдин фундаменталдуу дөөлөттөрүнөн артык болууга тийиш эмес. Буга байланыштуу Кылмыш-жаза кодексине үй жаныбарларын союу үчүн жазык жоопкерчилигин киргизүү сунуш кылынат, - деп жазылган мыйзамдын негиздемесинде.

Мыйзам долбоор бодо малды жана кой-эчкини, чочкону, итти, ошондой эле үй канаттууларын союуга тиешеси болбойт.

Бул мыйзамды бузгандарды акчалай айыппул салуу же бир жылга чейинки мөөнөткө түзөтүү иштерине жазалоо каралган.

Быйыл жазында Бишкекке жакын жердеги айылда эшек союлган касапкана иштеп жатканы аныкталып, андагы союлган эшектердин эти борбор калаадагы коомдук тамактануу жайларына жана эт базарларына чыгарылып турган деген маалымат тараган. Касапкананын ээлери болсо эшектер чет өлкөлүк зоопарктын буюрутмасы менен союлуп, эти ошол жакка жиберилип турганын билдиришкен.(BkA)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG