БУУнун Сириядагы чабарманы Стеффан де Мистура түндүктөгү Алеппо шаарындагы 71 адамдын өмүрүн алган окуяны айыптады. Анда өкмөттүк эки тик учак аймакка бомба таштаган деп маалымдалууда.
Өкмөттүк тик учактардын Алеппонун Аль-Шаар районундагы базарды бомбалашы бүткүл дүйнө айыптачу окуя болду - деп айтылат Мистуранын билдирүүсүндө.
Сириядагы Байкоо топтору бул окуядан ондогон адамдар жараат алганын кабарлады. Баш кеңсеси Лондондо жайгашкан Адам укуктары боюнча обсерватория Аль-Баб районундагы бомбалоодон кеминде 59, ал эми Аль-Шаар районунда 12 адам өлгөнүн айтууда.
Сириянын президенти Башар Асад болсо өкмөттүк учактар бомба таштаган деген маалыматты четке кагууда.
