Ушул тапта облустук милиция менен УКМКнын аймактык башкармалыгы "Чычкан уулоо-2015" аттуу рейд өткөрүүдө.
Анын алкагында кечээ, 2-июнда Түп районунун Шаты айылынан экстремисттик маанайдагы адабияттарды сактаган деген шек менен айылдын 34 жаштагы тургуну кармалды. Анын үйүнөн 5 DVD диск, бир аудио кассета жана уюлдук телефонунан “Хизб ут-тахрир” уюмун даңазалаган видеолор табылган. Мындан тышкары, Түптүн Ичке-Суу айылынын 32 жаштагы тургунунун телефонунан да диний багыттагы видеороликтер табылган.
Учурда алынган материалдар теологиялык экспертизага берилди. Кармалган адамдардын баш коргоо чарасы сотто каралууда. (AsA)