Бул тууралуу парламентте маалымат берип жатып, Ички иштер министринин орун басары Калыбек Сатыбалдиев билдирди.
«Жарандардын жеке номурун өзгөртүү фактысы боюнча 271 паспортту текшердик. Алардын 95% тергөөдө бул үчүн миң доллардан беришкенин моюнуна алышты. Алардын ичинде 12 киши 4-5 жолу жеке номуру менен кошо паспортторун алмаштырган. Бүгүнкү күндө бул боюнча 11 киши жоопкерчиликке тартылууда”, - деди Сатыбалдиев.
ИИМдин маалыматына караганда, өткөн жылдан бери 40 миңдей жаранга мыйзамсыз паспорт берилген. Алардын арасында кылмыш кылып издөөдө жүргөндөрү да бар. (МТо)