Үч жарым жыл абакта отуруп, эркиндикке чыккан Шахида Аманбаева 4-июнда уулдуу болду. Ал түрмөдө алган моралдык соккудан ден соолугу начарлап, баса албай калган болчу. Сүйлөө органдарына да доо кеткен. Ак жеринен камалганын, тергөө учурундагы кыйноолор аны ошол абал жеткиргенин укук коргоочулар аркылуу коомчулукка айткан.
Ал Токмоктогу киши өлтүрүүгө катыштыгы бар деп 2010-жылы камакка алынып, былтыр 29-майда бошотулган.
Түрмөдөн чыгып, турмуш курган Шахида балалуу болгонун, учурда Чүй облустук төрөт үйүндө жатканын “Кылым шамы” укук коргоо уюмунан “Азаттыкка” кабарлашты. (SE)
