АКШ президенти Барак Обама “Чоң жетинин” жыйынында Орусияга каршы санкцияларды узартууну сунуштайт. Ал мындай оюн 7-июнда Германияга болгон сапарында билдирет. Обама эки күндүк сапарынын алкагында Ирак өкмөт башчысы Хайдар ал-Абади менен жолугуп, Ирактагы абалды талкуулайт.
Ал мындан тышкары Мюнхенде Германия канцлери Ангела Меркел жана Британиянын премьер-министри Девид Кэмерон менен эки тараптуу сүйлөшүүлөрдү өткөрөт.
Буга чейин Евробиримдик Украинанын чыгышындагы жикчилдерди колдоп, Крымды аннексиялап алган Орусияга бир катар экономикалык санкцияларды киргизген.