АКШ Украинанын суверендүүлүгүн жана аймактык бүтүндүгүн колдойт. Бул тууралуу АКШ президенти Барак Обама Украина лидери Петро Порошенко менен телефон аркылуу сүйлөшүүдө билдирди.
Эки лидер Германияда өтө турган “Чоң жетиликтин” саммитине даярдык, Украинанын чыгышындагы жаңжал тууралуу сүйлөштү. Ак үйдүн маалымат кызматы билдиргендей, Обама менен Порошенко Орусия аскерлеринин жана жикчил күчтөрдүн жакында Донецк менен чектеш аймакка жасаган чабуулуна тынчсыздануусун билдирди. Мындан улам расмий Москваны Минск келишимин сактоого чакырды. (КЕ)
