Куткаруучулар жума күнү Малайзиянын Кинабалу тоосунун чокусунан жоголгон алты окуучуну жана эки мугалимди издөөнү улантууда. Кытай, АКШ, Британия, Таиланд, Түркия жана Жапониядан барган 130дан ашуун турист, альпинист аман-эсен алынып келинди.
Туристтер арасында популярдуу Кинабалу тоосунда 5-июнда күчү 6 баллга жеткен жер титирөө болуп, жер көчкөн. “Эшек кулак” деген чоң асканын боору көчүп, Себах штатынын чыгышындагы жол, имараттарды басып калган. Зилзаладан аталган штаттагы мектеп, оорукана жана башка имараттар жабыркады. (КЕ)
