Башкы прокуратуранын тергөө бөлүмүнүн башчысы, пара алды деген шек менен кармалган Кылычбек Арпачиевге байланыштуу иш Биринчи май райондук сотунда эртең, 8-июнда каралат. Бул тууралуу Жогорку Соттон кабарлашты.
УКМКнын маалыматына ылайык, Кылычбек Арпачиев март айында иш бөлмөсүндө 100 миң доллар пара алып жаткан жеринен кармалган. Ал Биринчи Май райондук сотунун чечими менен эки айга тергөө абагына камалган. (КЕ)
